Was thinking about this clip when I was having breakfast this morning. Did the search and I actually posted the same thing a year ago exactly. What a coincidence!



麦兜: 唔该, 我要一个常餐丫!
麦太: 常餐?! 常餐有咩食架?
伙计: 同特餐一样罗.
麦太: 咁特餐系咩黎架?
伙计: 同快餐咁上下罗.
麦太: 咁快餐系咩黎架?
伙计: 车~ 快餐咪即系午餐…
麦太: 午餐食咩架?
伙计: 午餐同晚餐一样架
麦太: 咁晚餐又食d咩呀?
伙计: 晚餐咪即系常餐罗..
麦太: 咁呀, 我要两个常餐啦~
伙计: 好野呀~~ 我地今日d常餐…
伙计: 唔好意思, 常餐卖晒播.
麦兜: 唔…. 咁改要特餐丫
麦太: 特餐? 特餐有咩食架?
伙计: 特餐咪即系午餐罗..
麦太: 午餐食乜野架?
伙计: 都系晚餐果d野罗..
麦太: 咁乜野系晚餐呀?
伙计: 同快餐一样罗.
麦太: 咁快餐食咩架?
伙计: 唉快餐咪即系常餐罗…
麦太: 咁你头先又话冇常餐~?
伙计: 系呀, 常餐系卖晒呀, 咁你试唔试下特餐丫?
麦太: 两份特餐啦!
伙计: 唔好意思, 特餐卖晒播.
麦兜: 唔… 妈妈, 不如改快餐丫~
麦太: 快餐有咩架~?
伙计: 快餐即系常餐~~
麦太: 咁常餐有咩架~?
伙计: 常餐咪即系午餐罗..
麦太: 唉呀咁午餐有咩食呀?
伙计: 午餐同晚餐一样格.
麦太: 咁晚餐呢~?
伙计: 晚餐咪即系特餐罗~
麦太: 车, 咁你头先又话冇特餐?
伙计：系呀, 特餐系卖晒呀, 咁你试唔试下个快餐丫一样既姐~~
麦太: 咁两份快餐喇!
伙计: 唔好意思冇快餐喇~
麦太: 离唔离谱d呀? 咁你地究竟有d咩餐呀?
伙计: 午餐啦~ 午餐好野呀.
麦太: 点好野法呀??
伙计: 同晚餐一样咁好野.
麦太: 咁晚餐又点好野法呀?
伙计: 同常餐一样咁好野罗
麦太: 咁常餐又点好野法呀?
伙计: 常餐?! 常餐一早卖晒啦, 你话好唔好野丫?
麦太: 好啦好啦! 要两份午餐啦!!
伙计: 唔好思意, 午餐卖晒, 试唔试下我地个晚餐丫一样既姐..
麦太: 日光日白食乜鬼野晚餐呀?!
伙计: 唉, 个名叫晚餐姐, 其实咪即系午餐
麦太: 好啦好啦怕左你啦, 要两份晚餐呀快d手呀.
伙计: 想快?! 想快就要快餐啦..